Pwede mag Tanong?! - 1+twist+sequel

(*Kataka-takang katuwaan lamang….
Serye ng mga makukulit na tanong mula sa dako paroon…)

Ang susunod na pambasag ay ang huli sa tanong na ito.

Pambasag 2: Kung sakali nga sabihin ang totoo sa mahal mo na may kras kang iba, at ito ay may kras din sayo, may karapatan ba ang mahal mo na magalit o sumama ang loob sa iyo at sa kras mo? Kung sakali sugurin at awayin ng mahal mo ang kras mo, may karapatan ka bang magalit din sa mahal mo? Katapusan na ba? Kung sakali matapos, sino ang may kasalanan, ikaw na nag ka kras ng iba, o si mahal na nasaktan? hmmmm...

Okay! Lumabas na ang mga unang komentaryo. Kung dapat bang sabihin sa mahal mo na may kras kang iba o hindi. May nagsabi na huwag na sabihin at baka mas maging kumplikado ang sitwasyon. Meron din naman na dapat magsabi lagi ng totoo at kras lang naman, at iba parin ang pagmamahal...
Eto ngaun ang twist...

Pambasag 1: Eh paano kung yung kras mo, ay may kras rin pala sayo. Huwaaw! Gugustuhin mo parin ba hindi malaman na ang mahal mo ay may kras na iba? Gugustuhin mo parin ba sabihin ang totoo sa mahal mo? Kumplikado nga ba o simple lang. Hmmmmm.....

“I’d rather tell you honestly… than sleaze you with a lie…” or NOT?!

Mahal Kita…
Pero Crush Ko Siya...
Tampo ka o galit kaba?

Mahal nga kita talaga!
Pero crush ko siya talaga!
Totoo naman diba?

Sobrang mahal kita…
Pero sobrang crush ko lang siya…
Sabihin ko ba? O akin na lang ba?

Hmmm…
Isip…Isip…
Kataka-taka!

PUNAWA: Wala itong kinalaman sa akin. Mahal peace tayo ha!
Nagtatanong lang. Hehe! =)

Pusong Nalilito...

Ang pag-iibigan ng dalawang puso ay tunay na masasabing hindi parte ng mundong ito. Ito ay yung mga panahon na tingin mo kumpleto ka. Masayang masaya ka dahil meron kang minamahal, at minamahal karin nito pabalik.

Ngunit sa bawat relasyon, may mga pagkakataon na dumadating na tila ang isa ay naghahanap ng pupuno sa pagkukulang ng isa. May mga pangyayari na hindi sinasadya, at mga sitwasyon kung saan bigla pumapasok ang duda sa minsan ay inakala mong "perfect" and "secured" relationship.

Naranasan mo na bang lokohin ang iyong mahal?
Naranasan mo na bang maloko ng iyong iniibig?

Ito na siguro ang pinakamasakit na ating mararanasan sa ating buhay. Mas masakit pa keysa sa mamatayan. May iba tuluyan pang nababaliw o nagpapakatiwakal dahil dito. Ang hindi kayanin o lubos maisip na magagawa ito ng isang tao na pinagkatiwalaan ng kanilang puso.

Si Mark ay matalik kong kaibigan. Girlfriend niya si Elsa na kung saan mag fo-four years na sila sa darating na isang buwan. Maganda ang chemistry ng dalawa. Para silang tunay na magbestfriend kung tutuusin. At sa tagal nilang magsyota, masasabi kong marami narin silang napagdaanan. Tulad sa anumang relasyon may mga pagkakataon din na sila ay nagkakatampuhan, nag-aaway at ilang ulit narin na nag-break tapos nagkabalikan.
Kung tutuusin, matindi ang pagmamahal ni Mark kay Elsa. Masasabi ko nga na martyr nga ito.
Si Elsa ay masasabing liberated na babae. Sa tatlong taon na kanilang pinagsamahan, maraming maraming beses nag nangaliwa si Elsa, at ilang beses narin siyang pinatawad ni Mark.

Para kay Elsa ang mga pangangaliwang kanyang ginawa ay gawa lamang ng pangangailangan ng katawan. Sex lang daw yun at hinding hindi niya maaring pakawalan si Mark. Si Mark lang daw ang tanging mahal niya at nais niyang makasama habang buhay. At si Mark naman, bilang isang lalaking matindi ang pasensya at tunay nga namang mahal na mahal si Elsa, laging nagpapatawad at umiintindi. At ako bilang kaibigan, suportahan ko na lang. Tutal mukha nga naman masaya talaga siya eh.

Eto ngaun, Si Mark may nakilalang bagong kaibigan na itago na lang natin sa pangalan na Riza. At pansin ko ang kasiyahan ng aking kaibigan kay Riza. Na tila sobra siyang excited sa kanyang nadarama. Na para bang nais pa niya lalong makilala si Riza ng lubusan. Ramdam ko ang kasiyahan at kasabikan ng kanyang puso. At para sa akin may karapatan din niya maging masaya lalo na sa lahat ng kanyang pinagdaanan...

Sa tingin niyo, ano nga ba ang dapat ipayo ko?....

(itutuloy...)