17

Summer na. Mainit na ang simoy ng hangin. Kaya ko na maligo ng hating gabi sa malinis na ilog katabi ng aming bakuran. Na-miss ko kayo, na-miss ko ang blogosperyo. Ilang araw din akong parang trumpo na parang wala ng bukas sa dami ng dapat gawin at tapusin. Mga samu’t saring responsibilidad. Kaliwa’t kanan na problema na tila walang katapusan, ngunit sa awa naman ng Diyos, tibay ng loob at disiplina, natatapos din. Ang sarap sa pakiramdam ng makapag-relax sa tubig. Ang magpalutang ng payapa habang nakatitig sa mga bituin sa langit. Isang maaliwalas at tahimik na gabi upang makapagpahinga at makapag muni-muni.

Kanina lamang, nagpasama ako kay Mark sa department store upang ipaayos ang na-“virus” kong PSP. Batid ko ang kaligayahan at kasabikan sa mga mata at kilos ng aking matalik na kaibigan. Bagama’t pagod at galing sa sakit, hindi ito naging balakid upang pag-isipan at paghandaan ang unang monthsary nila ni Riza. Ang naging susi upang siya ay mapalaya. Ang dahilan upang maramdaman muli ang tibok ng puso na nagbibigay buhay at kulay sa lahat ng kanyang ginagawa.

Bagama't maraming pagkakaiba, maganda ang chemistry ng dalawa. Si Riza ay makulit, masayhin, maalalahin at adventurous. Habang si Mark ay tahimik, may pagkaseryoso, disiplinado. at matured. Pareho silang masipag at may matinong pinagkakaabalahan. Bagama't graduating ngayong buwan para sa kanyang masteral degree, si Riza ay may maliit na carenderiang negosyo malapit sa simbahan ni Mark. Habang si Mark naman ay junior executive ng citibank call center sa Ortigas.

Napakabilis ng oras. Nakakatuwa isipin ang realidad buhay. Sa pagkilos ng panahon, laging kaakibat nito ang pagtatapos at muling pagsisimula. Ang kinakailangan lamang ay tibay ng loob, tiwala at pag-ibig sa sarili, at sa paniniwalang may mabuti at magandang plano ang Diyos na mahabagin sa ating lahat...

Para Kay Mark at Riza

And things can never go badly wrong
If the heart be true and love be strong,
For the mist, if it comes, and the weeping rain
Will be changed by love into sunshine again

Love one another, but make not a bond of Love;
Let it rather be a sea between the shores of your soul.

Wishing you all the Best!
Happy 1st Monthsary!

-Orakulo