Tampo sa Kaibigan

Ako ay patawarin aking kaibigan,
Ako'y nasaktan at hindi naiwasan.
Pusong nasugatan ay aking tinalikuran,
Sa tulong mo ako ay nanindigan.

Matibay man ang aking kalooban,
Ngunit hindi manhid sa manlilinlang.
Panalangin ko ang inyong kabutihan,
Kahit ako'y patuloy na nahihirapan.

Hindi ko kayo pinagdududahan,
Ako lamang ay huwag malimutan.
Sandigan ninyo sa lahat ng kahinaan,
Saan ako tatakbo aking kaibigan?

Sa dami ng bagay ng ating pinagdaanan,
Ang aking hiling ay simple lamang.
Ako'y intindihin paminsan-minsan,
Dahil pakiwari ko'y di mo naaanigan.

Ang kasiyahan niyo ay aking kagalakan,
Dahil ikaw at ako ay kapatid naturingan.
Dalamhati ko ay iyong paniwalaan,
Sapagkat ako ay tunay na tao lamang.

Bagama't sa ngayon ay hindi kasabayan,
Huwag sana limutin ang ating pinagsamahan.
Hindi ako madamot sa inyong kagustuhan,
Ngunit sana naman dangal ko'y pangalagaan.

(Pangalawang Friday the 13th ng 2009)